Julia Lasa artista bisuala da, eta paisaia, memoria eta lurralde-eraldaketa aztertzen ditu.
Bere proiektua,“Hutsa-Desierta”, ilustrazio poetiko bat da, Napaldala GKEarekin eta Katmanduko 12 emakumerekin elkarlanean sortua. Juliarekin lan egin dut bere lanen euskarriak sortzeko. Horretarako paper batzuk sortu nituen kotoizko paper eta Loktaren (Nepalgo landare-zuntza) zati birziklatuak erabiliz. Artisauaren % 100eko prozesuak zentzua ematen die artistaren lanei eta balioa ematen dio «Hutsa-Desierta» proiektuari. Lan horrekin, 2025ean Hondarribia Sormen Hiria beka irabazi zuen.

Hainbat teknikari buruzko sormen-tailerrak egin ditut, eskuzko lana eta natura herritarrengana hurbiltzeko asmoarekin. Horien artean nabarmendu daitezke brodatu botanikoko, tokiko artilezko feltro hezeko eta paper birziklatuko tailerrak. Lan egiteko aukera izan ditudan espazio batzuk Irungo Marzaycas argiztapen eta dekorazio estudioa eta Hondarribiko Endanea Alma Botánica mintegia izan dira.

Hizlari gonbidatua "Gastro Gazteak 2025" topaketan Basque Culinary Center, Mantala Gastronomy eta Basotik Fundazioak antolatuta. Mahai-inguruaren helburua artisautzaren balioa tokiko kultura eta gastronomiarekin lotzea zen, horretarako AMA Tolosa jatetxearentzat egindako artilezko kartak aurkeztu nituen.

Artileari eta biomaterialei buruzko egonaldi tekniko eta artistikoa. Ikerketa honetan, artilearen tradizioarekin eta antzinako lanarekin lotutako ezagutzak hainbat elementu naturalekin lotu genituen, lurraldean ugariak diren biopolimeroak –hala nola patata eta boniato almidoiak, landare-hondakinen zelulosa eta pektinak–, artileak euskarri editorial eta grafiko gisa dituen aukera materialei buruzko ikerketa zabaltzeko.

"LATX" aurkezten dut, ikerketa eta sorkuntza artistikoko proiektu bat, zeinaren helburu nagusia Euskal Herriko artileari espazio eta balio berri bat ematea den. LATX arazo ekologiko, sozial eta ekonomiko bati aurre egiteko beharrizanetik sortu da, material honek gure identitatearekin duen konexio soziokultural sakona berreskuratuz eta islatuz. Hilabete batean inguruko bizilagunekin bizi da, egoerari buruz ikertzen du eta artilearen erabilera egoki, jasangarri eta etikorako alternatibak planteatzen hasten da.

Elkarrizketa osoa: https://ataria.eus/alkiza/1695145195031-miriam-loidik-ehungintzaren-inguruko-proiektua-gauzatuko-du-alkizan

UrMara Museoaren "Slow Art Day" topaketan parte hartzea, "Manta Salvavidas: Aldaketa ekosozial baterako praktika artistiko kolektiboa" obrarekin.

Bideo-esteka: https://28kanala.eus/alkiza/1681728886344-slow-art-day-topaketa-ur-mara-museoan

2017 eta 2020 urteen artean, grabatuaren inguruko hainbat topaketa, azoka eta erakusketetan hartu nuen parte. Horien artean nabarmenduko nituzke FIG (Grabatuaren Nazioarteko Jaialdia) Bilbon, XX. "San Lorenzo de El Escorial" Grabatu Saria (Madril) edo Alma Grafica 2020 Azoka.